-Շատ էինք կարևորում այսօրվա հաղթանակը: Ուզում էինք առաջնությունը անպայման հաղթանակով սկսել: Թիմի մոտ բարդույթ է ձևավորվել, ընկերական խաղերի ժամանակ ավելի բարձրակարգ ֆուտբոլ է խաղում, բայց երբ սկսվում են պաշտոնական խաղերը՝ լարվածությունը խանգարում է: Այսօրվա հաղթանակի համար կրկնակի ուրախ եմ, քանի որ առաջնության առաջին խաղում հաղթեցինք, երկրորդը, որ կամային ստացվեց հաղթանակը: Առաջնության մեկնարկի համար տիպիկ խաղ էր, լարվածությունն ու խոտանը երկու թիմերի մոտ էլ շատ էր: Հիմնականում սխալվում էին ավելի բարձր կարգ ունեցող խաղացողների, բայց նվիրվածության շնորհիվ կարողացանք հաղթանակ տանել: Շնորհավորում եմ տղաներին:

- Ինչ կասե՞ք խաղադաշտի որակի մասին:

- Բնականաբար որակը լավը չէր, սակայն եթե ուսումնասիրում ենք, ապա Հայաստանի բոլոր խաղադաշտերն էլ այսօր այս վիճակում են: Դե ինչ արած այսպիսին են պայմանները:

-Նորեկները հասրել ե՞ն մերվել թիմին:

- Նորեկները շատ արագ են մերվել կոլեկտիվին, դրա հետ կապված խնդիրներ չեն եղել, բայց Թուրքիայի հավաքի ժամանակ հարձակվողներ Բեկոն և Դիուպը վնասվածքներ էին ստացել: Բեկոն այսօր էլ գոլ  խփելուց հետո չկարողացավ շարունակել հանդիպումը: Բժիշկներին չեմ հասցրել հարցնել նրա վնասվածքի լրջությունը: Բեկոի վնասվածքի արդյունքում մի փոքր թուլացավ մեր հարձակման գիծը: Ճիշը է Բարիկյանը լավ մտավ խաղի մեջ, բայց ուշ:

- Ի՞նչ կասեք մրցակցի վերաբերյալ:

- Արարատում բոլորը փորձարու խաղացողներ են, և փորձի հաշվին խաղ խաղի վրա ավելի լավ կխաղան: