Վերջ` 1:0: «Շիրակն» երկրորդ անընդմեջ հաղթանակ է տոնում Հայաստանի առաջնությունում ու 100 տոկոսանոց արդյունքով 1-ին տեղը բաժանում է «Միկայի» հետ:

90+3` Դարպասապահ Արթուր Հարությունյանը ժամանակ ձգելու համար դեղին քարտ ստացավ:

90+2` Ռաֆայել Պալտաջյանի կոպիտ խաղի արդյունքում հյուրերը վտանգավոր դիրքում տուգանայինի իրավունք ստացան, սակայն Արթուր Քոչարյանի հարվածից հետո Արթուր Հարությունյանը փրկեց գյումրեցիներին:

90` «Ուլիսը» փորձում է փրկել հանդիպումը, սակայն սրություն առջևի գծում չկա:

83` Տիգրան Դավթյանին փոխարինեց Աղվան Դավոյանը:

76` «Ուլիսն» ընթացիկ առաջնությունում դեռ չի կարողացել գոլի հեղինակ դառնալ: Այսօրվա խաղում չեմպիոնն ընդամենը 15 րոպե ունի պարտությունից խուսափելու համար:

71`Դիոպ Դանը 11 մետրանոցի ժամանակ ստացած վնասվածքի պատճառով փոխարինեց: Արարատ Հարությունյանը կշարունակի հանդիպումը:

69` ԳՈՈՈՈՈՈՈՈՈՈՈՈՈՈՈՈՈՈՈՈՈԼ: 1:0: Անդրանիկ Բարիկյանն անվրեպ իրացրեց 11 մետրանոցը:

68` 11 մետրանոց: Միխեիլ Սիմոնյանը խախտեց կանոնները Դիոպի նկատմամբ:

63` Արթուր Քոչարյանը փոխարինեց Գևորգ Նռանյանին:

58` «Շիրակն» էլ պատասխանեց ոչ պակաս վտանգավոր գրոհով, սակայն Արա Մկրտչյանի հարվածից հետո պաշտպանը շեղեց գնդակի ուղղությունը:

53` Արսեն Բալաբեկյանին փոխարինեց Դավիթ Գրիգորյանը:

52` «Ուլիսն» երկրորդ խաղակեսում առավելություն ունի ու անընդհատ գրոհում է: Նորայր Սահակյանի վտանգավոր փոխանցումից հետո Արթուր Հարությունյանը տիրեց գնդակին:

48` Ի դեպ, խաղին ներկա է լեգենդար ծանրորդ Յուրի Վարդանյան, ով այսօր եկել է «Շիրակին» աջակցելու:

47` «Ուլիսի» կազմում Շոթա Ջիքիան փոխարինեց Արագոնեյ Սանթոսին:

46`Մեկնարկեց երկրորդ խաղակեսը:

Առաջին խաղակեսն ավարտված է` 0:0:

41` Գևորգ Նռանյանի վտանգավոր փոխանցումից հետո պաշտպանները հեռացրին գնդակը:

39` Մրցավարը դեղին քարտ է ցույց տալիս… Բնականաբար Անդրանիկ Բարիկյանին:

21` Տուգանայինի իրավունք էին ստացել հյուրերը, սակայն հարվածն իր վրա ընդունեց գյումրեցիների կազմած «պատը»:

15` Անզիջում պայքար է ընթանում դաշտի կենտրոնում: Երկու թիմերն էլ ցանկանում են տիրել նախաձեռնությանը, սակայն հավասար պայքարը շարունակում է:

11` Աստիճանաբար թիմերը սկսում են ավելի հաշվենկատ գործել ու խաղը հետաքրքրանում է:

9` Արա Մկրտչյանի եզրային նետումից հետո Դիոպ Դանը նպաստավոր դիրքից հարվածեց, սակայն Մանվել Աֆրիկյանը փրկեց հյուրերին:

4`Հանգիստ պայքարում է մեկնարկել հանդիպումը: Առայժմ խաղացողները հաճախակի են կորցնում գնդակը ու դեռ չեն հաղթահարել մեկնարկային հուզմունքը:

1` Հանդիպումը մեկնարկեց:

Բարև ձեզ հարգելի մարզասերներ: Քիչ անց Իջևանում «Արնարում» կկայանա Հայաստանի առաջնության 3-րդ տուրի թերևս կենտրոնական հանդիպումը: Չեմպիոն «Ուլիսը» մրցում է Գյումրիի «Շիրակի» հետ, որը հաջող է սկսել առաջնությունը: Գյումրեցիները կադրային որոշակի կորուստներ ունեն այսօր: «Ուլիսի» կազմում էլ կրկին բացակայում է Գեորգի Կրասովսկին` թիմի նախորդ տարվա լավագույն ռմբարկուն:

____________________________________________________________
Իջևան, «Արնար» մարզադաշտ
Հայաստանի առաջնության 3-րդ տուր
Մրցավար՝ Տիգրան Հովսեփյան