Հայաստանի գավաթի 2011/12թթ. խաղարկության եզրափակիչ «Շիրակ»-«Իմպուլս» խաղում միակ գնդակը խփեց Լի Լամին Յորոն: Կոտդիվուարցին խաղից հետո անչափ երջանիկ էր:

«Ֆանտաստիկ եզրափակիչ էր ու ես շատ ուրախ եմ, որ մենք կարողացանք հաղթել: Մենք խաղում էինք մեր մարզադաշտում` սեփական երկրպագուների աջակցության ներքո, ու կրկնակի կարևորում էր հաղթանակի արժեքը:

Ցավում եմ, որ խաղին չմասնակցեց Դիոպ Դամեն` իմ ընկերը, որը առաջնության խաղի ժամանակ կոտրել էր ոտքը: Իմ գոլը ես նվիրեցի նրան»,-armsport.am-ի հետ զրույցում ասաց Յորոն:

Նա նշեց, որ Գյումրիում շատ լավ է զգում իրեն. «Ես երջանիկ եմ, որ գյումրեցիները սեփական հարկի տակ տեսան այս հաղթանակը: Այս քաղաքն ինձ համար շատ հարազատ է դարձել»: