5. «Միկա», Երևան
Ձմռանն ամենաշատ կորուստներ ունեցավ «Միկան», որտեղից 10-ից ավել
խաղացողներ հեռացան արտասահմանյան ու հայկական ակումբներ: Խոսքը ոչ միայն
պահեստայինների նստարանը մաշեցնող խաղացողների, այլ նաև հիմնական կազմում
ասպարեզ դուրս եկողների մասին է, ու թվում էր նման կորոտսներից հետո
«Միկան» լուրջ խնդիրներ է ունենալու այս մրցաշրջանում: Բայց մեկնարկը լրիվ
այլ բան է հուշում, քանի որ Ժոլտ Հորնյակի գլխավորած թիմն անցկացրած 3
պաշտոնական խաղերում էլ հաղթել է, որոնցից 2-ը` առաջնության շրջանակներում:
«Միկայի» տպավորիչ մեկնարկը ցույց է տալիս, որ այս ակումբի մարզադպրոցն էլ
արդեն կայացել է ու կարող է տրամադրել կադրեր, որոնք պակաս հաջող հանդես
չեն գալիս, քան արտասահմանյան անհայտ ակումբներից հրավիրվող լեգեոներները:
Չնայած «Միկան» մեծ թվով կորուստներ է
ունեցել, սակայն թիմի ողնաշարը չի կոտրվել. դարպասապահ Գևորգ Կասպարովը,
պաշտպանական գծի խաղացողներ Անդրանիկ Ոսկանյանը, Գևորգ Պողոսյանը, Արմեն
Պետրոսյանը, Ալեքսն ու Աղվան Մկրտչյանը նորեկներ չեն ֆուտբոլում: Նրանց
միջոցով «Միկան» հուսալի թիկունք ունի, իսկ առջևում տոն են տալիս արդեն
երիտասարդները, ովքեր հաջողության հասնելու մեծ ցանկություն ունեն: Մեծ
ոգևորություն կա նաև գլխավոր մարզչի պաշտոնակատար Ժոլտ Հորնյակի մոտ, ով
շատ լավ հասկանում է, որ ինքը մինչեւ ամառ ակումբի սեփականատիրոջ
սպասելիքները չարդարացնելու դեպքում կզրկվի իր պաշտոնից' լավագույն դեպքում
մնալով մարզչական շտաբում որպես գլխավոր մարզչի օգնական:
6. «Իմպուլս», Դիլիջան
Դիլիջանցիները մեկնարկային
տուրում «Միկայից» կրած պարտությունից հետո հավաքվեցին ու հաջորդ տուրում
վստահ հաղթանակ տոնեցին «Փյունիկի» նկատմամբ: Արմեն Գյուլբուդաղյանցի
սաներն առաջին անգամ հաղթեցին «Փյունիկին» Հայաստանի առաջնություններում,
ինչը կարելի է ձեռքբերում համարել նոր մեկնարկած առաջնությունում: Դա շատ
կարևոր է հոգեբանական տեսանկյունից, իսկ «Իմպուլսը» նախորդ առաջնությունում
շատ հանդիպումներում պարտվեց հենց հաղթողի հոգեբանության պակասի պատճառով,
իսկ ահա խաղով դիլիջանցիներն քչերին էին զիջում:
Մեկնարկային
հանդիպումները ցույց տվեցին նաև, որ «Իմպուլսն» իրեն չի կորցրել առանց իր
ընդգծված առաջատար Զավեն Բադոյանի, ով ձմռանը տեղափոխվեց ԲԱՏԷ:
7. «Շիրակ», Գյումրի
Տաս տարվա
ընդմիջումից հետո գյումրեցիներն առաջին անգամ կարողացան մեկնարկային 2
տուրերում հաղթանակ տոնել, իսկ դա պատահական չստացվեց, քանի որ 2010թ.
օգոստոսից թիմում սկսված լուրջ փոփոխությունները սկսում են իրենց արդյունքը
տալ: Ընթացիկ առաջնությունում հենց «Շիրակն» ու «Միկան» իրենց վստահ
մեկնարկող խառնեցին խաղաքարտերը:
Չնայած
հաջող մեկնարկին, «Շիրակը» դեռ մեծ ծավալի աշխատանք ունի կատարելու'
90-ականների փառքը վերադարձնելու համար: Թիմում այս տարի ևս հիմնական
կորիզը կազմում են գյումրեցիները, որոնց միացել են նաև աֆրիկացի ոչ թույլ
լեգեոներներ, որոնք ամենևին էլ «YouTube»-ում առկա տեսահոլովակների միջոցով
չեն ընտրվել:
«Շիրակի» համար շատ կարևոր է նաև այն, որ շատ
շուտով թիմը սկսելու է մրցակիցներին հյուրընկալել սեփական հարկի տակ, իսկ
դա էական նշանակություն է ունենալու գյումրեցիների մասնակցությամբ
հանդիպումներում, քանի որ «Շիրակը» առաջնության այն եզակի թիմերից է, որը
սեփական հարկի տակ լուրջ աջակցություն է ստանալու ֆուտբոլասերների կողմից:
8. «Արարատ», Երևան
Անուղղելի լավատեսներին մի պահ
թվաց, թե հեղինակավոր ակումբում իրավիճակը փոխվել է, քանի որ թիմը հավաքի
էր մեկնել Ուռեկի ու իր կազմում ընդգրկել էր մի քանի նոր խաղացողների,
որոնք ոչ մի կերպ չէին կարողացել ամրապնդվել բարձրագույն խմբի մյուս
թիմերում:
Մեկնարկը ցույց տվեց, որ «Արարատում» մեծ հաշվով ոչինչ
չի փոխվել ու եթե արտառոց բան տեղի չունենա, ապա հենց «Արարատն» է երկրորդ
տարին անընդմեջ եզրափակելու մրցաշարային աղյուսակը: «Արարատի» սեփականատերի
«էկոնոմ» ռեժիմի արդյունքը ներկայիս վերջին հորիզոնականն է ու անիմաստ է
խոսել թիմի ուժեղ կամ թույլ կողմերի մասին, ու դժվար է հասկանալ, թե այս
թիմն ուր է գնում ու ինչ նպատականեր է հետապնդում:
Այսքանով հանդերձ պարզ է նաև, որ «Արարատն» նույնիսկ այս վիճակում երբեմն
միավորներ կխլի առաջնության մյուս մասնակիցներից, բայց համոզված կարելի է
ասել, որ դա սփոփանք չի կարող լինել թիմի երկրպագուների համար:
