Նորություներ
Վիդեո
Հարցում
Օդնոկլասնիկիում
Մուտք
Փնթրել
Վիճակագրություն
Օնլայն Ընդհանուր 1
Այցելուներ 1
Շիրակցիներ 0
<
Ռմբարկուներ
Օրացույց
Գլխավոր մարզիչ
Մենք Ֆեյսբուքում
Գործընկերներ
12:41 Հայաստանի գավաթի անհատական ռեկորդները | |
 Մարտի 2-ին վերսկսվում է Հայաստանի 2012/13թթ. գավաթի խաղարկությունը, որտեղ կկայանան քառորդ եզրափակիչի առաջին հանդիպումները: Armsport.am-ը ներկայացնում է Հայաստանի գավաթի անհատական ռեկորդները: Գավաթի խաղարկությունների լավագույն ռմբարկուն Գեղամ Հովհաննիսյանն է, ով 32 գոլ է խփել: Գործող ֆուտբոլիստներից բոլորից արդյունավետ է գործել "Գանձասարի" հարձակվող Սամվել Մելքոնյանը' 17 գոլ: Լեգեոնականներից լավագույն ցուցանիշն ունի նախկին փյունիկցի Մամադու Դիավարան' 12 գոլ: Միևնույն թիմի կազմում առավելագույն քանակի գոլեր է խփել փյունիկցի Արսեն Ավետիսյանը' 23: Մեկ խաղարկությունում խփած գոլերով ռեկորդակիրներն են Արման Քարամյանը (2002թ., "Փյունիկ"), Արամ Ոսկանյանը (2003թ., "Միկա") և Սեմյոն Մուրադյանը (2007թ., "Բանանց")' 9-ական գնդակ: Մեկ խաղի արդյունավետության ռեկորդը պատկանում է "Միկայի" հարձակվող Արամ Ոսկանյանին, ով 2003թ. մարտի 15-ին "Դինամոյի" հետ 1/8 եզրափակիչի առաջին խաղում 6 գոլ է խփել: Գավաթի եզրափակիչ հանդիպումներում բոլորից արդյունավետ են գործել Արմեն Շահգելդյանը, Համլետ Մխիթարյանը, Կարեն Բարսեղյանն ու Մարկոս Պիզելին' խփելով 3-ական գնդակ: Հետաքրքիր է, որ Մարկոսը եզրափակիչում խփած իր 3 գնդակներն էլ անցկացրել է "Բանանցի" դարպասը: 2007, 2008թթ. նա մեկական գնդակ է խփել "Արարատի" կազմում, 2010թ. վճռորոշ խաղում աչքի է ընկել "Փյունիկում": 6 ֆուտբոլիստի' Արմեն Շահգելդյանին ("Արարատ", 1993թ.' "Շիրակի" դարպասը), Կարեն Բարսեղյանին ("Կոտայք", 1995թ.' "Արարատին"), Հայկ Հակոբյանին ("Ցեմենտ", 1999թ.' "Շիրակին"), Սեմյոն Մուրադյանին ("Բանանց", 2007թ.' "Արարատին"), Գևորգ Ղազարյանին ("Փյունիկ", 2010թ.' "Բանանցին") և Նարեկ Բեգլարյանին ("Միկա", 2011թ.' "Շիրակին") հաջողվել է եզրափակիչ խաղում 2 գոլ խփել: Գավաթի խաղերում գոլ խփած ամենաերիտասարդ ֆուտբոլիստը փյունիկցի Էդգար Մանուչարյանն է, ով 2002թ. ապրիլի 6-ին 1/8 եզրափակիչ խաղում 15 տարեկանում գրավել է Եղվարդի "Դինամոյի" դարպասը: Ամենատարեցը "Կանազի" 40-ամյա հարձակվող Ռոբերտ Հարությունյանն է, ով 1992թ. ապրիլի 6-ին 1/16 եզրափակիչում գրավել է Եղվարդի "Զորավանի" դարպասը: Գավաթի եզրափակիչ հանդիպումներում գոլ խփած ամենաերիտասարդ ֆուտբոլիստներն են Հայկ և Արա Հակոբյանները, Սեմյոն Մուրադյանն ու Արամ Բարեղամյանը, որոնք աչքի են ընկել 19 տարեկանում: Հակոբյանները գոլերի հեղինակ են դարձել 1999թ. "Ցեմենտի" կազմում' գրավելով "Շիրակի" դարպասը, ընդ որում Հայկը 2 գոլ է խփել: "Բանանցի" ֆուտբոլիստներ Սեմյոն Մուրադյանն ու Արամ Բարեղամյանն աչքի են ընկել 2007թ. "Արարատի" հետ կայացած եզրափակիչ խաղում, որտեղ Սեմյոնը 2 գոլ է խփել: Ամենատարեցը "Միկայի" նախկին հարձակվող Սամվել Նիկոլյանն է, ով 2001թ. 37 տարեկանում գրավել է "Արարատի" դարպասը: Գավաթի մրցաշարերում անցկացրած խաղերի քանակով ռեկորդակիրը Հովհաննես Թահմազյանն է (83): Նա "Շիրակի" (1992-2003, 2008, 2010-2011թթ.) և "Միկայի" (2004-2007թթ.) կազմերում մասնակցել է պատվավոր մրցանակի 19 խաղարկությունների' դառնալով կրկնակի գավաթակիր (2005-2006թթ.): Միևնույն թիմի կազմում առավելագույն քանակի խաղեր է անցկացրել փյունիկցի Սարգիս Հովսեփյանը' 66: Դարպասապահներից անցկացրած խաղերի քանակով ռեկորդակիրը շիրակցի Ռայմոնդ Զադուրյանն է' 52: Այդ հանդիպումներից 27-ում նա դարպասն անառիկ է պահել, ինչը ևս ռեկորդային ցուցանիշ է: "Միկայի" դարպասապահ Ֆելիքս Հակոբյանին 2003-2005թթ. հաջողվել է անցկացրած 10 անընդմեջ հանդիպումներում գոլ բաց չթողնել' դարպասն անառիկ պահելով 967 րոպե շարունակ: 2002թ. մայիսի 20-ին, "Փյունիկի" հետ կիսաեզրափակիչի պատասխան խաղի 86-րդ րոպեին գոլ բաց թողնելուց հետո Հակոբյանը դարպասն անառիկ է պահել մինչև 2005թ. մարտի 20-ին "Երևան Յունայթեդի" հետ կայացած 1/8 եզրափակիչի պատասխան հանդիպման 64-րդ րոպեն, երբ Նվայգուե Ֆորչունեթին հաջողվել է գրավել նրա պաշտպանած դարպասը: Փյունիկցիներ Էդգար Մանուչարյանն ու Ժորա Հովհաննիսյանը 2002թ. գավաթակիր են դարձել 15 տարեկանում: "Փյունիկի" ավագ Սարգիս Հովսեփյանը ՀՀ գավաթի խաղարկությունների պատմության մեջ պատվավոր մրցանակին արժանացած ամենատարեց ֆուտբոլիստն է: 2010թ. մայիսի 10-ին նա 37 տարեկան 189 օրական էր: Առավել հաճախ' 6-ական անգամ գավաթի եզրափակիչ հանդիպմանը մասնակցել են Համլետ Մխիթարյանը, Արամայիս Տոնոյանը, Արմեն Շահգելդյանն ու Սարգիս Հովսեփյանը: Ընդ որում Արամայիս Տոնոյանը 6 տարի (1993-1998թթ.) շարունակ "Արարատի", "Փյունիկի" և "Երևանի" կազմերում մասնակցել է գավաթի վճռորոշ հանդիպումներին: Առաջին 4 եզրափակիչները հաղթական են եղել Տոնոյանի համար: Մինչ օրս ՀՖՖ ներկայացուցչից գավաթը ստացել են 6 թիմերի 15 ավագներ: Առավել հաճախ' 4 անգամ (1993-1996թթ.) որպես թիմի ավագ գավաթը հանձնվել է Արամայիս Տոնոյանին: Մարզիչներից ռեկորդակիրը Վարուժան Սուքիասյանն է, որի գլխավորած թիմերը 4 անգամ նվաճել են պատվավոր մրցանակը (1992թ.' "Բանանց", 1998-1999թթ.' "Ցեմենտ", 2008թ.' "Արարատ"): Նրա գլխավորած թիմերն առավել հաճախ' 5 անգամ հանդես են եկել գավաթի եզրափակիչ հանդիպումներում (2007թ. "Արարատի" հետ գավաթը նվաճելու Սուքիասյանի փորձն անհաջող էր): Բացի Վարուժան Սուքիասյանից, 2 տարի անընդմեջ գավաթակիր թիմ են պատրաստել նաև Արմեն Սարգսյանը ("Արարատ"' 1993-1994թթ.), Էդուարդ Մարգարովը ("Միկա"' 2000-2001թթ.), Արմեն Ադամյանն ("Միկա"' 2005-2006թթ.) ու Վարդան Մինասյանը ("Փյունիկ"' 2009-2010թթ.): Իսկ ահա Սամվել Պետրոսյանին կարելի է կարեկցել: Նրա գլխավորած թիմերը 4 անգամ հանդես են եկել գավաթի եզրափակիչում ու խաղադաշտից հեռացել են պարտված: Ընդ որում Սամվել Պետրոսյանի գլխավորած թիմերը 2 անգամ գավաթի վճռորոշ խաղում զիջել են "Միկային": 2011թ. նրա օրոք "Շիրակը" զիջել էր 1:4 հաշվով, իսկ 2006թ. գավաթի եզրափակիչում պարտվել էր "Փյունիկը" (0:1): 1995-1996թթ. էլ Սամվել Պետրոսյանի գլխավորությամբ գավաթի եզրափակիչում անհաջողության էր մատնվել Աբովյանի "Կոտայքը"' պարտվելով համապատասխանաբար "Արարատին" (2:4) ու "Փյունիկին" (2:3): Մինչ օրս միայն Վարդան Մինասյանին ու Արմեն Շահգելդյանին է հաջողվել գավաթակիր դառնալ թե որպես ֆուտբոլիստ, թե որպես գլխավոր մարզիչ: Մինասյանն իր ֆուտբոլիստի կարիերայում երկու անգամ' 1996 և 2002թթ. "Փյունիկի" կազմում նվաճել է պատվավոր մրցանակը, իսկ 2009 և 2010թթ. նրա գլխավորությամբ փյունիկցիները կրկին գավաթակիրներ են դարձել: Շահգելդյանը քառակի գավաթակիր է: 1993-1995թթ. նա պատվավոր մրցանակին արժանացել է "Արարատի" կազմում, 2006թ. պատվո շրջան է կատարել "Միկայում": Որպես մարզիչ նրա գլխավորությամբ 2011թ. "Միկան" նվաճեց ՀՀ գավաթը: Մրցավարներից առավել հաճախ' 7-ական անգամ եզրափակիչ հանդիպումները վարել են Սլավա Ղազարյանն ու Կարեն Նալբանդյանը, ընդ որում 2002-2007թթ. վերջինիս է վստահվել գավաթի վճռորոշ խաղերի սպասարկումը: | |
|
| |
| Всего комментариев: 0 | |
