Հունիսի 25-ին կկայանան Եվրոպա լիգայի 2012/13 մրցաշրջանի որակավորման առաջին և երկրորդ փուլերի վիճակահանությունները: Ի տարբերություն նախորդ տարիների, երբ ՈՒԵՖԱ-ի ակումբային 30-ից 53-րդ վարկանիշ ունեցող գավաթակիր թիմերը մրցաշարը սկսում էին որակավորման երկրորդ փուլից, այս տարի 37-ից 53-րդ վարկանիշն ունեցող երկրների գավաթակիրները պայքարը կսկսեն որակավորման առաջին փուլից:

Դա նշանակում է, որ Եվրոպա լիգայում Հայաստանը ներկայացնող բոլոր թիմերը՝ «Փյունիկը», «Գանձաասարն» ու «Շիրակը» պայքարին կմինանան հենց առաջին փուլից:
Վիճակահանության ժամանակ թիմերն ըստ վարկանիշի կբաժանվեն առաջին և երկրորդ զամբյուղի, ապա խմբերի կբաժանվեն աշխարհագրական սկզբունքով: Այդ վերջին բաժանումը հայտնի կդառնա միայն վիճակահանությունից անմիջապես առաջ: Երևանի «Փյունիկը» վիճակահանության ժամանակ կլինի առաջին զամբյուղում և ավելի ցածր վարկանիշ ունեցող մրցակից կստանա որպես մրցակից: «Գանձասարն» ու «Շիրակը» կլինեն երկրորդ զամբյուղում:

Երկրորդ զամբյուղ – ՄՏԿ (Հունգարիա), Մետալուրգ Սկոպյե (Մակեդոնիա), Սիաուլաի (Լիտվա), Զիմբրու (Մոլդովա), Յիվասկյլա (Ֆինլանդիա), Ֆլամուրտարի Վլորե (Ալբանիա), Կլիֆտոնվիլ (Հս. Իռլանդիա), Տորպեդո Քութաիսի (Վրաստան), Սանտա Կոլոմա (Անդորրա), Լյանելլի (Ուելս), Կրուսայդերս (Հս. Իռլանդիա). Յունես Էսխ (Լյուքսեմբուրգ), Մուրա Մուրսկա (Սլովենիա), Կելիյե (Սլովենիա), Դաուգավա (Լատվիա), Զետա (Մոնտենեգրո), Վեստմաննեյար (Իսլանդիա), Տրանս (Էստոնիա), Հայբերնիանս (Մալթա), Ֆլորինա (Մալթա), Թոր (Իսլանդիա), Օրդաբասի (Ղազախստան), Ժետիսու (Ղազախստան), Կալիյու Նոմմե (Էստոնիա), Ռունավիկ (Ֆարերյան կղզիներ), Պորտադաուն (Հս. Իռլանդիա), Գեվենմախեր (Լյուքսեմբուրգ), Գանձասար Կապան (Հայաստան), Սելիկ (Մոնտենեգրո), Էսխեն/Մաուրեն (Լիխտենշտեյն), Տեուտա (Ալբանիա), Վինգուր (Ֆարերյան կղզիներ), Սանտա Կոլոմա (Անդորրրա), Գեֆն դրուիդս (Ուլես), Շիրակ Գյումրի (Հայստան), Լա Ֆիորտիկա (Սան Մարինո), Լիբերտաս (Սան Մարինո)

Ավելացնենք, որ որակավորման առաջին փուլի հանդիպումները կկայանան հուլիսի 5-ին և 12-ին: