Գյումրու Քաղաքային ստադիոնում կայացավ ընկերական հանդիպում, որում 90-ականների "Շիրակը” մրցեց է ներկայիս թիմի հետ:

Վերջ: Խաղն ավարտված է` 3:3: Հանդիպման լուսանկարները կներկայացնենք երեկոյան:

58` ԳՈԼ: 3:3: Դավթի Հակոբյանը մոտ տարածությունից հավասարեցնում է հաշիվը:

53` ԳՈԼ: 2:3: Անդրանիկ Բարիկյանը կրճատեց հաշվի տարբերությունը:

52` Երկրորդ խաղակեսում երիտասարդները մեծ առավելություն ունեն, սակայն վետերանները լավ են պաշտպանվում:

50` Նախկին խաղընկերների հանդիպումը դիտելու են եկել նաեւ "Ուլիսի" գլխավոր մարզիչ Սևադա Արզումանյանը ու Հայաստանի հավաքականի նախկին ֆուտբոլիստ Արմեն Շահգելդյանը:

45` Հովհաննես Դեմիրճյանը դեղին քարտ ստացավ Թահմազյանին գցելու համար: Չնայած խաղն ընկերական է, սակայն անզիջում պայքար է ընթանում խաղադաշտում:

42` Հովհաննես Թահմազյանն այժմ արդեն ներկայիս "Շիրակի" կազմում է հանդես գալու ու ամեն կերպ փորձում է գրավել վետերանների դարպասը:

36` Երկարատև ընդմիջումից հետո ասպարեզ է դուրս եկել Մկրտիչ Նալբանդյանը, ով նախորդ տարի ավտովթարի էր ենթարկվել ու երկար ժամանակով դուրս եկել շարքից:

31` Մեկնարկեց երկրորդ խաղակեսը:

30` Թիմերն այսօր 30-ական րոպե են անցկացնելու խաղադաշտում: Առաջին կեսն ավարտված է:

29` ԳՈԼ: 1:3: Եվս մեկ անգամ վետերանները գրավեցին Նորայր Աբրահամյանի պաշտպանած դարպասը: Արթուր Պետրոսյանն աչքի ընկավ դիպուկ հարվածով:

28` Ի դեպ, խաղին ներկա են մոտ 2000 ֆուտբոլասերներ:

27` ԳՈՈՈՈՈՈՈՈԼ: 1:2: Այս սա արդեն գեղեցիկ էր: Կոլյա Եփրանոսյանը շեշտակի հարվածով առաջ մղեց վետերեաններին:

25` ԳՈԼ: 1:1: Վետերանները հավասարեցնում են հաշիվը: 11 մետրանոցից աչքի ընկավ Հովհաննես Թահմազյանը` Հայաստանի առաջնություններում ամենաշատ հանդիպում անցկացրած ֆուտբոլիստը, ով նախորդ տարի ավարտեց կարիերան:

20` Վետերանների կազմում արդեն սկսվել են փոփոխությունները: Ասպարեզում է նաև "Շիրակի" ներկայիս գլխավոր մարզիչ Վարդան Բիչախչյանը:

17` ԳՈԼ: 0:1: Հանդիպման հաշիվը բացեց Ֆոֆանա Բեկոն, ով գրավեց "Շիրակի" ներկայիս դարպասապահների մարզիչ Արթուր Հովհաննիսյանի պաշտպանած դարպասը:

12` Այսօրվա խաղին պետք է մասնակցեր նաև Գյումրու ֆուտբոլի մեկ այլ վառ անհատականություն` Հարություն Վարդանյանը, սակայն նա չի կարողացել ժամանել: Վարդանյանը ներկայումս Ֆրանսիայում է ու այս օրերին բանացկում է տեղի ցածր լիգայի թիմերից մեկում մարզչական գործունեություն իրականացնելու համար:

10` Այս հանդիպմանը մասնակցելու նպատակով Շվեյցարիայից Հայաստան է ժամանել Հայաստանի հավաքականի լավագույն ռմբարկու Արթուր Պետրոսյանը, ով ներկայիս մարզում է "Ցյուրիխի" մինչև 18 տարեկանների թիմը: Ֆրանսիայից ժամանել է Արա Ադամյանը` "Շիրակի" նախկին գլխավոր մարզիչ Անդրանիկ Ադամյանի որդին: Սանկտ Պետերբուրգից ժամանել է Կոլյա Եփրանոսյանը:

1` Հանդիպումը մեկնարկել է:

1990-ականների "Շիրակ" (մեկնարկային կազմ). Արթուր Հովհաննիսյան, Հովհաննես Թահմազյան, Ֆելիքս Խոջոյան, Կարեն Ալեքսանյան, Հովահննես Դեմիրճյան, Արտակ Ադամյան, Արարատ Հարությունյան, Արթուր Պետրոսյան, Կոլյա Եփրանոսյան, Արտյոմ Բեռնեցյան, Արայիկ Ադամյան:

Ներկայիս "Շիրակ" (մեկնարկային կազմ). Նորայր Աբրահամյան, Ռաֆայել Պալտաջյան, Արտյոմ Միքայելյան, Գևորգ Հովհաննիսյան, Արմեն Ղազարյան, Տիգրան Դավթյան, Արա Մկրտչյան, Լի Լամին Յորո, Ֆոֆանա Բեկո, Անդրանիկ Բարիկյան, Արմեն Տիգրանյան: